Cyndi vs Madonna

Rivalry kung rivalry silang dalawa noong dekada ’80. Parang Nora vs Vilma ng Pinoy showbiz ang dating ng rivalry nila sa akin. Kung may Material Girl si Madonna, may Money Changes Everything naman si Cyndi. Kung slow, senti at love mode ka naman, pumili ka sa Crazy for You ni Madonna o Time after Time ni Cyndi.

Walang dudang mas maraming hits si Madonna kumpara kay Cyndi. Pero hindi rin naman pahuhuli ang mga hit songs ni Cyndi tulad nga ng Girls Just Wanna Have Fun, Money Changes Everything, She Bop, at Time After Time. Tumatak din ang mga kantang ito kaya naman hanggang ngayon may mga bagong singer pa rin ang nagko-cover ng mga kanta ng pop music icon (tulad ni Miley Cyrus – Girls Just Wanna Have Fun).

Sa pagkakaalala ko, mas Madonna ang mode ko nang bata ako pero bet ko rin ang mga kanta ni Cyndi Lauper.  At hindi ko lang matandaan kung sa school o sa piyesta sa amin sinayaw ko ang isa sa mga kanta niya.

Super love ko pa rin si Cyndi kahit noong nasa kolehiyo na ako. Lagi kong rekwes sa kaibigan kong gitarista ang Time After Time at kahit di kagandahan ang boses ko, go lang ako nang go. Natuwa rin ako noong napanood ko si Cyndi na kinanta yung Strawberry Fields Forever sa isang tribute para kay John Lennon noong 2001.

Cyndi Lauper Live in Manila sa March 17, 2012

Sugod na mga batang dekada ’80 sa Smart Araneta Coliseum sa darating na March 17! Darating uli si Cyndi Lauper sa Manila para mag-concert dito                ( dumalaw na pala siya sa Pinas, 23 years ago).

Cyndi at the Big Dome this March

May kamahalan nga lang ang presyo ng tiket kaya para sa mga dukhang tulad ko, maging masaya na lang sa mga youtube videos ni Cyndi Lauper. At least sa mga video na yun, fresh na fresh pa rin ang trademark “loka-loka look” ni Cyndi Lauper – lampaso ang kaweirduhan nina Lady Gaga at Katy Perry!

Pahabol lalo na sa mga fans ni Cyndi Lauper na mga nanay na ngayon. Basahin ninyo ang article na ito ni Ricky Lo. Happy and proud nanay din pala ang loka-lokang si Cyndi!

1. Rio in da haws

Malaki ang hirap ni Tita Liza  sa aming mag-ina.  Kaya sakto lang na sa ispesyal na araw niya namin isabay ang unang tuntong ni rio sa Barrio San Jose. Asa tummy ko pa lang si Rio, inaalagaan na niya kaming dalawa. Substitute nurse siya ng tatay ni Rio sa araw-araw na pagturok sa akin ng  Heparin.  Tita Liza, happy 44 th birthday sa’yo! We love you!

Happy birthday Lola este Tita Liza!

Nakilala na rin ni Rio ang mga batang looban sa kanyang unang dalaw.  Parang gustong sabihin ni Rio : “Hintayin niyo ko maglakad, maghahabulan tayo sa looban!”

Big girls na sina Cyronne at Charisse

Mr. Pogi na si Popoy

2.  Babay

At marunong na nga mag-babay si Rio. Kapag lalabas kami ng bahay, excited na siya at todo babay na kay Tatay. Tingin ko, bukod sa makulit  talaga ako sa kakaturo sa kanya, natuto siyang mag-babay  dahil mas dumalas na rin ang paglalayas niya. Meron na siyang konsepto ng pag-alis ng bahay. Kaya madali na lang niyang napagdudugtong na pagkatapos magbihis at magsapatos, ang pagbabay na ang kasunod – laboy na!

Tatay and Rio in one of our unplanned lakwatsas

3. Rio’s 1^st  train ride

Salamat at may reserved seats para sa mga pasaherong may dalang bata sa LRT-1 ( Baclaran-Roosevelt). Walang hassle ang pagsakay namin sa tren – lagi kaming nakakaupo kahit na minsan siksikan pa rin.

Picture muna while waiting for the train

Keeping Rio warm in our pouch ( Going home train ride )

Nakasakay na rin kami sa MRT (Taft Station-North Ave) noong nagpunta kami sa Grand Baby Fair sa Megamall.  Medyo mahirap ang may kasamang bata sa MRT kahit pa may nakalaan para sa mga babae at senior citizens. Mas gusto ko yung sistema sa LRT 1 na may ilang seats talaga na nakalaan para sa mga pasaherong buntis, senior citizen at may dalang bata.

Rio in MRT

Sanay na si Rio na sumakaya sa tren. Noong una, nagugulat pa siya sa warning buzzer ng pintuan kapag magsasara na. Ilang sakay pa, nasanay na rin siya. Ginugulo na niya ang mga katabi naming lolo, lola , preggy mom o batang karga ng nanay.

4. Ate and Tatay

May dalawang salitang medyo malinaw nang nasasabi ni Rio. Ate at Tatay.  Magiliw na siya kay Ate Dindin                     ( pamangkin ko) kaya kapag nagrerekwes kaming sabihin niyang Ate sinusunod naman niya kami. Kaya lang parang TV patrol ni Kabayan Noli de Castro ang delivery niya. Isang mahabang A—- after 2-3 seconds pa ang kasunod na –te! Ayos!

Kainggit talaga at nasasabi na ni Rio ang Ta—ta with matching sulyap kung saan man nakapwesto si Tataystrip. Nakuha ko yun sa tiyaga. Hulaan niyo ang paminsan-minsang tawag ni Rio sa akin. Tama ! De-de!

5. Rio’s favorite tambayan  

Si Tataystrip ang nakaisip ibalik ang wooden crib.  Mas makakapagpraktis daw dito si Rio gumabay kasi makakahawak siya sa mga kahoy kaysa dun sa playard niya. At matapos ang ilang araw o linggo, expert na si Rio at na-explore na niya ang wooden crib. Eto na ang kanyang paboritong tambayan. Masaya ako hindi lang dahil nakakagabay na si Rio    ( prelude to walking daw),  happy dahil nailalapag ko siya sa crib para makagawa ng iba pang mga bagay sa bahay.

japorms pa habang tambay pogi sa crib

lately lang nadiscover ni Rio ang"ibalik niyo ko sa Pilipinas"sitting position na ito

6. Give it to nanay/ tatay

Pinapraktis pa ito ni Rio.  Makailang beses pa lang namin sinubukang magpaabot kay Rio. Minsan inaabot niya, pero mas madalas pang deadma ang moda niya. Lalo na kapag hawak ni Rio ang remote control ng TV. Pahirapan ang pagkuha nito sa kanya. Magugulat  na lang kami nasa screen na si Ely Soriano ng Ang Dating Daan! Amen!

7. Ang Paksiw Bow!

Ito talaga ang tunay na pasabog as in mabahong pasabog ni Rio! First time namin naexperience na magkadiarrhea si Rio. Hindi naman malala kaya pinakain lang namin siya ng saging, tinapay at peras. Iwas muna kami sa papaya. At ano naman ang sanhi nito ? Paksiw na pata lang naman ang kinain niya bago ang masangsang na pangyayaring ito. Sarap na sarap pa naman si Rio at first time niyang kumain ng mashed meat.

Mukhang hindi pa ubra ang putaheng vinegar ang main ingredient. Okay, paksiw can wait.

8. Rio’s  First long trip : It’s more fun in Vigan!

Yes! Sa Ilocos Sur nag-celebrate si Rio ng kanyang 9^th month.  Sakto sa 90^th birthday party ni Lolo Inciong.

9 month old baby Rio & 90 year old Lolo Inciong

Swabe lang ang long trip ni Rio.  Gabi kami bumiyahe kaya sabay lang sa tulog ni Rio. Gumigising lang siya kapag gutom at pagkatapos dumede ng baby, tulog na ulit. Nagising na lang siya, nasa Ilocos na kami! Winner!

Our "We Were Here" photo-op @ Baluarte

@ Crisologo Street in Vigan

Tataystrip chasing the light in Narvacan Grotto. My favorite shot!

More of Tataystrip’s sunset shots here.

In action.

Take a peek of Tataystrip’s infrared shots here.

Nasubukan na ni Tatay at Nanay ibyahe nang mahaba si Rio. Lagot!   Ang wish namin : more long trips this year.

9. Rio’s 1st dagat adventure

Sinigurado ng mga taga-Ilocos na hindi aalis si Rio nang hindi nakakalublob sa dagat.  Nag-enjoy nang bonggang-bongga si Rio. Walang katiting na takot o iyak si Rio habang dahan-dahan na pinapaexperience sa kanya ni Ninang AL ang tubig dagat. Pero siyempre, sandali lang namin pinatikim si Rio ng dagat  at baka ubuhin na siya. Di bale Rio, marami pang next time.!

Enjoy sa dagat ang bata!

Rio with Ninang and his Kuyas

Hanggang sa March para sa Top Ten Pasabog ni Rio.

Note: Nakakapressure na at 2 buwan na lang, ONE year old na si Rio. Party, Party na!!!!

Heto pala ang photoshoot ni Tataystrip for Rio’s 9th month! Walang cake this month, I Love Vigan shirt na lang ang kapalit. Hehe.

Our growing baby with his I Love Vigan shirt.

Shempre hindi mawawala ang Nanay and Rio monthly shot

Maraming pagpipiliang straps noon. Kaya lahat naka-mojos sa tambayan, iba-iba lang ang straps.

Saan ka man tuminging tambayan noong dekada ’90, may makikita kang naka-mojos. Kapag line of 9 and student number mo, hindi malayong nagsuot ka nito kahit minsan noong college days mo. Madalas ang konotasyon kapag naka-mojo, mountaineer o aktibista ka. Kasi naman, tamang-tama ang mga tsinelas na ‘to pang-akyat sa bundok, pantakbo kapag may dispersal sa rally at panlakad sa buong kampus kapag pauwi ka na sa dormitoryo galing sa klase mo sa building sa kabilang ibayo.

Tanda ko pa kung saan kami bumibili ng Mojo — doon sa isang gym sa may Tandang Sora sa likod ng grocery ( hindi ko na nga lang maalala ang pangalan ng grocery,hehe). Meron naman nagtitinda nito sa loob ng kampus pero parang mas authentic kapag doon ka sa gym bumili.

Marami nang naglabasan ngayon Tribu, Sandugo at iba pa pero kung babalikan ko ang sandals mode ko, sana makahanap pa rin ako ng Mojo, for more nostalgia effect.

Pahabol: Those were the days na nakakapag-shorts pa ko with my Mojos. Tattered denim shorts at plain white shirt lang ayos na! Sibat na papuntang klase.

Ooops, hindi ganito ka short shorts ha.

Important Note: Wala na akong ma-search sa Google na mahaba-habang tattered denim shorts kaya ganito kaikling shorts ang na-post ko. Di hamak na mas mahabang shorts ang suot ko dati. Hehe.

Hindi ako handang mag-breastfeed.

Noong buntis ako, mas pinagkaabalahan ko ang aking kundisyon — meron kasi akong APAS (anti-phospholipid antibodies syndrome) at GDM ( gestational diabetes melittus). Sa araw-araw na injection at pagkontrol ng pagkain naubos ang oras ko kaya’t wala talaga sa aking priority list ang maghanda para sa breastfeeding.

Pero isang walang kagatul-gatol na “Yes, I will breastfeed,” ang naging sagot ko nang itext ako ng aking pediatrician friend kung may plano akong mag-breastfeed.

Ang numero unong payo ko :  Be resolved!

Rio's "Yes to breastfeeding" pose! BE RESOLVED!

Kapag resolbado kang mag-breastfeed, lahat gagawin mo para matuloy ito.  Magkaroon ka man ng sore nipples, puyat man sa madaling araw o nagkakaproblema sa milk supply, lahat ‘yan kayang-kaya mong lagpasan basta desidido ka.

“Wala o kulang na kasi ang gatas ko,” eto ang madalas na  naririnig kong dahilan ng maraming nanay kung bakit hindi o sandali lang sila nag-breastfeed. Sana makatulong ang mga tips kong ito para hindi agad sumuko si Nanay.

EAT malunggay.

Kulang na lang ngatain ko ang sariwang malunggay. Maglagay ng malunggay sa lahat ng luto lalo na sa mga may sabaw. Epektib talaga ‘to. Sa mga may budget, nakakabili sila ng mga lactation cookies pero sa mga sakto lang ang kita, isang tali lang ng malunggay na ihahalo natin sa putahe tulad ng tinolang manok, ayos na ayos na!

May tinuro rin ang ate ko sa aking luto sa malunggay. Madali lang itong ihanda at tipid pa. Wala pang P30, may sabaw ka na para sa buong araw, marami pang gatas para kay beybi. Kapag kumakain na si beybi ng solids, pwede nang i-share sa kanya ang kalabasa. Law-oy ang iluto niyo para sa mas maraming gatas.

SAY “I have milk!”

Sabi nga ng pedia-friend ko noong beybi pa si Rio, hangga’t umiihi si beybi at may tumutulong gatas sa isang dede habang nag-breastfeed ka sa isa, sakto lang ang milk supply mo.

Huwag mong pagdudahan ang kakayahan mong gumawa ng gatas. Ang mahalaga, lagi kang mag-breastfeed at mag-pump naman kung hindi mo kasama si beybi.

Uminom din ng maraming tubig. Humigop ng sabaw at isigaw, “I have milk!”

LOVE your baby.

Given na ‘to sa ating mga Nanay. Tandaan na lang natin na ang ating gatas ang isa sa pinakamahalagang regalong maibibigay natin sa kanila.  Ang love na ito rin ang nagiging inspirasyon natin para patuloy na mag-breastfeed, gaano man karami ang nasasalubong nating problema sa proseso.

Kaya sa mga Nanay, EAT (malunggay) , SAY (I have milk!) and LOVE, LOVE, LOVE !

Rio at 9 months and still breastfeeding! Yey!

Happy to be part of this blog carnival. Enjoy reading these great posts from great moms!

The Articulate Pen’s Breastfeeding needs Patience

Diapers and Stethoscope’s Back to Basic

My Mommyology’s What I’ve Learned About Breastfeeding

Ms. Masungit’s From One Mom To Another

The Odyssey of Dinna’s Breastfeeding Words of Wisdom

Mrs. Bry126′s We’re All in this Together

I Am Clarice’s Paying it Forward

My Mommy Kwentos’ Sharing My Favorite Breastfeeding Advice

Planet Marsy’s Better Than None

Mommy {T} Coach’s Saved by the Nursing Mommas

Mama Drama’s Patience and Breast-friends

Adventures on Planet Mom’s Stubborn Me! Sure Glad I didn’t give up

Nanaystrip’s Eat Malunggay, Say “I Have Milk” and Love your Baby

Starting at Twenty-Five’s My Husband’s Best Breastfeeding Advice

Nanay *Loves* Purple’s Why Attend Breastfeeding Class/Seminars

Truly Rich Mom’s My Top 5 Breastfeeding Tips for New Moms

Legally Mama’s Take it from the non-expert!

Mommy Mama Rat’s My Breastfeeding Mantra

Mr. Jacob’s Mom’s Breastfeeding Tips from a Non-Breastfed Mommy

Hybrid Rasta Mama’s Breastfeeding Lists, Advice, Links and More

Apples and Dumplings’ One Word of Breastfeeding Advice

Touring Kitty’s Just Do It

EthanMama’s Only the Best for My Baby

the canDIshhh tales’ My Breastfeeding Advice

Mec as Mom’s Enough is Enough

Chronicles of a Nursing Mom’s On Breastfeeding Number Two – Redux

Paborito talaga ng pamilya namin ang champorado. Kaya lang, lumaki kami sa instant champorado, hindi yung niluluto ang malagkit at tsokolate.

Ito ang lagi naming niluluto. Hindi pa ganito ang packaging noon.

Champorado Cheka ngayong Flashback Friday:

- Kapag bumabagyo, walang pasok at minsan brownout, ang tiyak na rekwes naming almusal CHAMPORADO!

- Laro naming magkakapatid na kortehan ng initial ng mga pangalan namin ang binubuhos naming gatas sa champorado. Minsan, naglalaro rin kami ng iba’t ibang hugis sa aming bowl.

Letter N lagi ang ginagawa ko!

- Mas masarap para sa akin ang malamig na champorado. Kapag may natira kahit sobrang konting champorado, ilalagay ko agad yun sa pint ng ice cream at ilalagay sa freezer. Merienda ko yun sa hapon! Perfect!

Mahihilig din kaya si Rio sa champorado? Pero dapat hinay-hinay lang at may katamisan ang paborito kong ito. Promise, isang beses na lang ako magchachamporado sa almusal next week.

betweentheneonandthesea.com

Happy mode this Friday. Pero dapat happy na medyo may dating. Hindi yung happy na wala lang. Para sa isang masaya’t makabuluhang Biyernes sa ating lahat. Etong sa’yo :

Sakto ang kantang yan ng Yano sa first Grand Baby Fair experience naming mag-anak kanina sa SM Megamall. Hindi talaga swak sa budget ang mag-shopping ngayong paparating ang mga bills. Talagang yung prize ko lang galing sa @BabyCompanyPH ang ipinunta namin doon. (Sumali kasi ako sa contest nila sa Twitter. Maswerte naman at napili yung tweet ko).

Papalakad pa lang kami papunta sa venue,sunud-sunod na ang mga pamilyang nakakasalubong namin na tiyak galing sa Baby Fair. Naging familiar scenes sa Megamall ang mga naglalakad na mag-asawa, pwedeng preggy moms with their supportive husbands, isang buong pamilya – si mommy ang may bitbit ng mga shopping bags, si daddy ang may hila ng stroller with baby habang nakasunod ang buong angkan.

Box office hit talaga ang Grand Baby Fair! Maraming tao pero organisado. Pagkapirma ko pa lang sa registration, tinuro na ko sa booth ng MomCard para hanapin doon si Mam Gwyneth at i-claim ang aking prize. Ilang minuto lang dumating na si Mam Gwyneth at nakuha ko na ang aking prize — one gift pack from tiny Buds!

Umikot muna kaming mag-anak. Tutal babywearing mode naman si Tataystrip kaya pwedeng bitbitin si Rio kahit matagal. Napatigil kami sandali sa activity center. Ang cute ng mga mon and baby pairs sa stage na nag-eenjoy sa mga activities. Ang host ay si Gladys Reyes with her sobrang cute kiddos.

Sa pag-iikot namin talagang kapansin-pansin ang bagsak presyo ng mga products. Lahat 20-70% off! Halimbawa, yung Bumbo playsitter na niregalo ng ninong ni Rio sa kanya, P3,400 yata yun sa Mothercare Trinoma, sa Baby Fair P2,400 lang! Yung tanging binili namin na Cycles detergent for baby’s clothes ay P211 lang kumpara sa regular price na P264!

Sabi ko nga kay Tataystrip sana nagpunta tayo last year noong naghahanda pa lang tayo ng hospital bag at few stuff para sa paglabas ni Rio. Few stuff lang talaga kasi sangkatutak ang hand me downs na sobrang napakinabangan ni Rio mula sa mga kaibigan at kamag-anak.

Balik tayo sa “maraming tao pero organisado” na description ko sa Baby Fair na ito. Bilib ako sa sipag ng mga staff na matiyagang nag-aayos ng pila sa cashier/counter. Tinitiyak talaga nilang maayos yung pila, magalang nilang pinapamove forward ang mga shoppers at ang favorite ko, namigay sila ng mga orange candies na childhood favorite naming mag-asawa! Galing ng mga organizers! Akala ko sobrang matatagalan ako sa pila, e isang item lang naman ang binili ko. Mabuti naman at mabilis, nakabayad at nakalabas ako kaagad.

Na-enjoy namin ang first Grand Baby Fair experience kahit bitin sa oras at lalo na sa budget. Masaya lang ako na bitbit namin si Rio at naging mas enjoy ang simple Sunday family date namin. Sana lang next year, makapag-ipon na kami bago ang Grand Baby Fair 3!

Teka,teka! Kailangan ko pa kaya ng manual breast pump sa January 2013?! Hehe.

1. If you’re happy and you know it, clap your hands!

Sa wakas nag-payoff rin ang walang sawang panonood namin sa You Tube ng mga frogs na kumakanta nito.  Marunong na si Rio pumalakpak at hobby niya na ito as in.

Pagkatapos dumede, clap your hands. Pagkagising, clap your hands. Pagkatapos kumain ng solids, clap your hands.  Take note: Hindi lang basta palakpak, may sound at malutong pa na palakpak.

 2. Beh buti nga, beh buti nga! 

Mukhang dumadaan naman talaga ang mga baby sa “Michael Jordan Labas-Dila” phase na ito. Natuto na nga rin si Rio dumila pero hindi naman niya ito madalas ginagawa. Inaabangan ko pa ang mga bagong ‘beh buti nga moments’ ni Rio. In the meantime, etong sa’yo :

Behhhhh!

         3. Rio’s First Christmas

Isa sa mga gusto ko para sa unang pasko ni Rio ay makagawa kami ng Christmas photocards. At hindi naman kami sumablay this time. Nakagawa kami ng 2 versions at naipamigay namin ito sa mga ninong at ninang ni Rio, kamag-anak at kaibigan.

Masaya rin ang mismong Christmas Day for Rio. Maaga pa lang binihisan ko na siya para mamasko sa mga kamag-anak cum kapitbahay namin. Hindi ko nga nakarir ang tagubilin ng nanay kong turuan ko si Rio mag-bless para mas patok ang pamamasko. Sinabay na rin namin sa kanyang pamamasko ang pag-distribute ng Christmas gifts naming per family at pamimigay ng Christmas photocards.

Hulaan ang laman ng mga 'to. Organic Salted Duck Eggs from Rio para sa mga kamag-anak!

Rio with nanay-to-be Tita Dana

Time out muna sa pamamasko. Rest sandali tapos hataw uli!

Rio’s 1st Christmas trivia : Sino ang nagbigay ng 1st aginaldo kay Rio? Si Tito Chiqui ang buena mano! Salamat!

Dalawang Christmas parties ang napuntahan ni Rio. Nakilala na siya ng mga high school friends ni Nanay at mga kids nila. Ang saya lang ng feeling na may bitbit na rin akong anak sa ganitong mga events. Saya! Next year makikitakbo at makikipaglaro na si Rio sa kanyang mga ate’t kuya.

Love you girls! III-Linnaeus Nerds and their kids

4. Kasal, Kasali si Rio

Biglaan lang ang pagpunta namin sa kasal nina Casey at Melissa.  Pamangkin ko si Casey at nagrekwes ang nanay niya (pinsan ko) na dapat may representative kada pamilya. Hindi ubra ang kuya ko kaya kaming mag-anak ang dumalo. Enjoy kami sa unplanned lakad na ito lalo na sa reception, sa Plaza Ibarra sa Timog. Sarap ng food!!!

Mabuhay ang bagong kasal! Casey and Melissa

Ito ang first wedding na napuntahan ni Rio. Bininyagan namin ang hand-me-down stroller niya.  Sa wakas, nakatikim din ito ng gala.

Naging crib ni Rio ang stroller!

Sa reception, naghanap kami ng pwedeng makain ni Rio. Buti naman at may putaheng may kalabasa at carrots. Go! Kain lang kung kain ang bata. Bilib ang mga kasama namin sa mesa – magana at madali raw pakainin si Rio.

Group picture with the newlyweds at the reception

Rio with Lolo Diko

Hinihintay ko na ang araw na totoong kasali na si Rio sa kasal. Siyempre ring bearer muna, hindi pa groom no! Tiyak ko stage mother ang drama ko habang naglalakad sa aisle si Rio na nakabarong.

5. More syllables, more exciting!

Hindi lang exciting ang pagdami ng syllables ni Rio, nakakagulat as in naa-amaze kaming mag-asawa.

One time-big time moment lang naman ito pero tingin ko worthy na mailista sa kanyang monthly pasabog.

Nanggigil siya habang dumede kaya napasigaw ako “SAKIT!” , sabi naman niya “—KET!”.

Pagkatanggal ng bibig niya sa dede ko, dumuwal at sinabi ko, “Ayan, LUNGAD,!” Parang nang-aasar na sinabi niya, “—NGAD!”

Inasar ko rin siyang “PARROT!”. Talagang ayaw patalo at sumagot ng “—OT!” .

Sabi ko BAD BOY siya kasi gabi na’t ayaw pang matulog – sabi niya BA-BOY!

6. Happy 2012!!!

Isang malaking palaisipan sa aming mag-asawa kung masusurvive ba ni Rio ang putukan dito sa aming lugar. Saan kaya siya pwedeng mag-stay habang nagpuputukan? Makatulog kaya siya kahit hindi na magkandamayaw ang paputok sa paligid?

Wa epek! Gising na gising at enjoy pa si Rio sa ingay. Magkakasama kaming sumalubong sa 2012 sa labas ng bahay. Nanood si Rio ng fountain sa kalye at mga pailan-ilang fireworks sa langit. Walang iyak si Rio habang nagpuputukan. Kusa na lang siyang inantok. Habang nakikain ako ng Media Noche sa ibang bahay, napansin ko na lang na tulog na si Rio. Mga bandang ala-una na rin yun ng madaling araw. Pag-uwi namin sa bahay – bagsak si Rio, tulog kang bata ka!

Rio&Tatay habang naghihintay mag alas-12

2012 na! Happy new year!!!!

7)  Sit down , on my own

“Hindi pa po umuupo mag-isa si Rio,” eto lagi ang sagot ng praning na nanay ni Rio tuwing checkup niya sa pedia. Feeling ko delayed na delayed na ang anak ko dahil hindi pa siya naupo nang walang suporta. At eto na nga, pinagbigyan na ako ni Rio. “Nanay, look I can sit on my own!” Wag ka na praning!

8)  Giddy up! Stand up!

Tamang-tama talaga at hinuli ko sa listahan ang pasabog na ito! Kanina lang na-capture naming ang stand-up moments ni Rio sa wooden crib niya. Tama! Ibinalik nga naming ang kanyang wooden crib at tiniklop muna ang playard. Sa tingin ni tataystrip, mas makakatulong kay Rio na may mga mahahawakan para masuportahan siya habang nagpapraktis tumayo , gumabay at lumakad sa loob ng crib.

Parang sinasabi lang ni Rio, “Humanda ka na Nanay sa pagsakit ng balakang mo, malapit na ako lumakad!”

Hanggang sa susunod na buwan — abangan ang Nueve Suave Pasabog sa darating na Pebrero!

Heto na ang photoshoot nina Rio at Tataystrip. Enjoy!

Wala ako laging maisagot. Basta isang beses niregaluhan si Rio ng Ninang niya ng sangkaterbang Pampers. Nang maubos yun, di na ko bumili ng ibang brand. Tingin ko hiyang na si Rio sa Pampers. Bakit pa ako magtitiis sa mas mura? Pang-commercial ba, teh?

Pero mas mura nga ba talaga ang ibang brand kaysa Pampers? Kanina, sa wakas nakumbinsi ako ni tataystrip na magbalik-loob sa EQ. True. EQ baby naman talaga si Rio. Nang bagong panganak siya hanggang mga 3 months, ito ang gamit niya. Mas makakatipid daw kasi talaga kami sa EQ. Sa totoo lang, tipid naman kami sa disposable diapers. Halos sa gabi lang gumagamit si Rio ng disposable para tuluy-tuloy ang tulog niya. Cloth diapers na siya sa buong araw.

Balik tayo sa EQ vs Pampers. Nang nasa bahay na kami, sinubukan kong kwentahin magkano per piece ang 2 brands. At nakakagulat ang resulta! P7.70 per pc ang Pampers habang
P 8.20 naman ang EQ! Pwedeng mas mura ang Pampers ngayon kasi may promo na free 2 diapers pag bumili ka ng 20 pcs. Pero kahit pa, kung walang promo, lalabas na mas mura lang ang EQ ng P0.20!

Wish ko lang na maging hiyang si Rio sa EQ para maging sulit ang pagshift ko dito. Hindi ko pa masasagot yan agad kasi marami-rami pa kaming uubusing Pampers.

May Christmas tree sa bahay namin, isa itong himala! Hindi ko na kasi tanda kung kailan kami huling nagtayo ng Christmas tree. Mas pinipili pa naming magkabit ng Christmas lights sa may gate kaysa mga decors sa loob ng bahay.

Iba ang Paskong ito. Unang Pasko ito ni Rio kaya gusto kong maraming bagong maganap. Isa na nga rito ang pagtatayo namin ng Christmas tree. Tiniyak din naming magiging simple pero makabuluhan ang unang Christmas tree na makikita ni Rio.

Sa lahat ng mga na-search ko sa internet, napili kong gawin ang cardboard Christmas tree. . Tipid na, mapapakinabangan pa yung mga karton sa bahay at higit sa lahat do-it-yourself ang moda nito. Mas masarap titigan kasi alam mong pinaghirapan niyo itong gawin.

Siyempre pa, si tataystrip ang kumarir ng paggupit ng karton para maghugis puno. Binalutan niya ng gift wrapper at naglagay ng mga simpleng pasabit.

Unang Pasko ni Rio kaya siya dapat ang star ng aming Christmas tree.

Recycled ang mga pasabit na ginamit namin. Mga dekorasyon din namin yan noong binyag ni Rio. Yung mga bird decors ginamit sa photo wall ni Rio at yung mga photo frames (corrugated paper) naman ay para sa centerpieces.

Eto ang final output naming mag-asawa. Nilagyan namin ng paikot na silver at green & red ribbons sa paligid para medyo bumongga naman.

Mga regalo na lang ang kulang!

Maligayang Pasko sa inyo!

Pahabol: Kapag tinatanong namin si Rio kung nasaan ang star. Titingin siya sa itaas ng Christmas tree, doon sa mga litrato niya.